Çdo vit Komisioni Evropian miraton “Paketën e Zgjerimit” – një grup dokumentesh që shpjegojnë politikën e tij për zgjerimin e BE-së. Thelbi i kësaj pakete është një komunikatë për zgjerimin, e cila bën një pasqyrë të zhvillimeve të vitit të kaluar. Kjo paketeshqyrton progresin e bërë nga vendet kandidate dhe kandidatët potencialë, sfidat e hasura dhe reformat që duhen adresuar dhe parashtron propozime për rrugën qe duhet ndjekur ne vijimesi. Përveç Komunikatës kryesore, paketa përmban Raportet në të cilat shërbimet e Komisionit paraqesin vlerësimin e tyre të detajuar vjetor të gjendjes së progresit të reformave në secilin vend kandidat dhe kandidat potencial gjatë vitit të kaluar. Këto vlerësime shoqërohen me rekomandime dhe udhëzime për prioritetet e reformave.